just feelings

حاسا اني هتجنن على وئام
ونفسي اوي اكلمها احنا بنرن على بعض ونبعت مسجات عشان هيا عملاه جوال
بس انا بجد هتجنن واسمع صوتها
وزعلانه اوي لآني حاسا اني هتحرم منها تاني لما يجي عليا الدور واسافر انا لآني مسافره قريب بردو
معرفش ليه بيحصل كده معايا
اني كل لما ااقرب من حد واحبه الظروف والدنيا تبعدني عنه
ومشكلتي اني مش اي حد بيدخل قلبي ناس يتعدوا
لآني مش برتاح او اثق لآي حد
فلو جيت بصيت للموجودين بحياتي هلاقيهم ميتعدوش وانا راضيه اوي بيهم وحابا حياتي بيهم وممكن يكون حوليه ناس كتير لكن هما بس الي يهموني
لكن الي وجعني اني بعد كده مش هلاقيهم جانبي وظروفي هتبعدني عنهم
لما بفكر اني بعد فتره هسافر واسبهم بحس من جوايا بنار حرقاني اوي
بس احترت اعمل ايه بجد
محدش بيختار قدره وغربته

مش عارفه هل ممكن الاحساس يكون غلط هل ممكن شعور الانسان بشيء واحساسه بيه يكون غلط
كتيراوي اعتمدت على احساسي وكنت بعرف بيه وكنت بمشي بيه وكان دايما بيكون صح بس المره دي مش عارفه ليه مش عاوزه اصدق احساسي ونفسي يكون غلط
يمكن لان المره دي غير كل مره
يمكن لآني المره دي لو كان صح هيكون فعلا مؤلم ليا وصدمه صعبه اوي

مش عاوزه ااقلق نفسي اكتر من كده
يمكن يكون الي انا حاساه غلط وانا موهومه مش اكتر

*******************

اوقات كتير بحس اني ساذجه وطيبه زياده عن اللزوم ودي شيء بيدايقني اوي
لما بلاقي نفسي عماله اسامح واستحمل حجات من ناس وهما فلآخر مش بيقدرو ده
بحس انه شيء جوايا بينكسر
وبزعل من نفسي اني كده
لكن مشكلتي اني مش بعرف اخد موقف من حد
ومش بحب اني اصلا اكون زعلانه من حد
بس انا بجد مش عارفه اذا كانت طيبتي دي ميزه ولا عيب
بس لو هيا ميزه وتعباني كده ووجعاني يبقى انا مش عايزاها ولا عايزه ابقى طيبه
لآن الناس فعلا مش بتقدر محدش بجد بيقدر

مش عارف ياياسمين انتي هتمشي وهتسيبي وراكي جوايا فراغ شديد مفتكرش ان حد ممكن يملاه
شادي اخويا قالي كده النهارده
انا كمان ياشادي هفتقدك جامد وهفتقد كل ايامنا وضحكنا وجنونا مع بعض
انت كمان هتوحشني ياشادي


Msg for diyaa :D
عارفه انك اول حاجه هتعقب عليها كلمهة حاسا عشان كتبتها غلط مره تانيه
انا نسيت ومش اخدت بالي غير وانا خلاص ببص على البوست
وكسلت ارجع اعدلها اصل انا كتبا حاسا قصدي حاسة كذا مره

معلش بقى سماح المرادي