Tuesday, October 23, 2007

SOmeThinG Has ChangeD



من المؤلم ان يخبرك احدهم انك اصبحت قاسي القلب مجرد الاحاسيس
ولكنك تحاول ان تبحث بداخلك فانت على يقين بأنك لست كذلك وانك مازلت تملك شيئا جميلا بداخلك
بل انت من يطلقون عليه مرهف الحس
ودموعك هي الصديقة الاولي لعيناك
تحاول ان تبحث بداخلك ..... من اين لي بهذه القسوة من اين لي بهذا القلب المتحجر
تحاول ان تخبره بأنك لست كذكل وبل ولم تكن يوما كذلك..... وتبكي عيناك تبكي روحك الماُ
فهذا هوا اقربهم اليك يقف ويوجه اليك هذا الاتهام
فتتعجب كيف له كيف لا يفهم مابين طيات قلبك .. كيف وهوا من يحفظ دقاته
هوا من يفترض به وان يكون الاكثر فهما لك
هوا لا يتواني عن ان يخاطبطك بأقسى كلمات فانت في نظره لا تستحق سوى هذا
تشعر بالضعف يملائك تحاول ان تجلعه يراك من داخلك يرى انك لست من يظن
انك نفسك لا تشعر بذلك
ولكنه لايسمعك فهوا لم يعد يراك او يشعر بك
وتجد نفسك قد استنفذت ماتملك بل وقد بدأت بتصديقه وان هناك شيئا بالفعل



قد بدأ يغزو اعماقك شيئا يعصر ويشوه شيئا جميلا كان مدفونا بداخلك
فتراك تنزف الما وظلماً
وعجباُ ..... ترى امامك من اتهمك بأن ميت القلب والاحساس
هوا من قتل احساسك واخمد السكين بداخلك

*********
You don’t know me
Like you know me
You stopped listening
The moment that... I needed you the most
You can't see me
Like you saw me
Truth comes easy
But it's hard for you... to pull me from the ground



********************


Saturday, October 13, 2007

كيفكوا انتو : )



ياريتك تنزلي
انا : ياريت بجد

مفيش امل انك تيجي قريب
انا : ممكن يكون فيه بس خايفا قوي اتعشم

هتنزلي امتى
انا :الله اعلم بس حاسا انو بعد كتير قوي


تعلن شركة طيران الجزيرة عن قيام رحلتها رقم 527 المتوجهه الى الاسكندرية يرجى التوجه للبوابة رقم 25
ايه ده مين ده
ده انا
ايوة انا اهو
للحظه مش صدقت نفسي
لآني لآخر لحظه كنت حاسا انو في حاجه غلط
من ساعت ماسبت مصر ومشيت وانا مكنتش عارفا هنزل امتى يمكن بعد سنة او اتنين
لكن المفجأه اني لقيت نفسي نازلة بعد اربع شهور
اربع شهور وفتوقيت تمنيت من كل قلبي بجد اني انزل فيه


افتكرت صديق ليا قلتلو مره انا بتمنى انزل مصر ولو يوم واحد بس برمضان
افطر فيه مع ماما واخواتي واصلي التراويح وبعيدن اخرج اتمشى عند البحر
وبجد هكون سعيدة قوي وراضية باليوم ده

وئام كانت بعتتلي رسالة فاول رمضان قالتلي فيها انا عارفا انك مفقتده حجات كتير فرمضان
بجد فعلا اول لما رمضان بدأ وانا بدات احس بحجات كتيرة قوي ناقصه فحياتي
لآن رمضان فمصر ليه شكل تاني وطعم تاني ليه احساس ودفا كده يملاك من جواك
وتحس بيه فعلا عن اي بلد تانية

قرار نزولي مصر جه فيوم واحد
كان حظي اني ادخل على موقع طيران الجزيرة والاقي الا اوفر الرهيب الي كان معمول واحجز فيه وهب تاني يوم الاقي نفسي فمصر

كنت حاسا اني فعلا زي الي بتحلم اصل انا على رأي اخويا مفيش حاجة خاصه بيا بتمشي سهلة ابدا
ربنا يسامحو بقة اديني نزلت بسرعه اهو
: )
ياه كان واحشني حضن ماما قوي
كان وحشني البيت
كانت واحشني شوراع اسماعلية
عشان كده اخدت ال 10 ايام كلهم فالشارع
: )

محبتش اضيع يوم من غير ما اتمشى واروح اماكني المفضلة
كنت حاسا اني عاوزه اخطف كل حاجه فالعشر ايام دول
كنت فعلا محتاجة لكل يوم من ايامي هناك

يمكن مش شفت كل الناس الي كان نفسي اشوفهم
ويمكن شفت ناس اتمنيت اصلح حجات كتير معاهم بس منفعش

بس رغم ده بجد كان جوايا احساس جميل قوي احساس بنفسي الي كانت تايهه من كتير قوي


لما ركبت الطيارة عشان ارجع الكويت تاني
المرة دي
معيطتش
ولا خفت
احساس جوايا كان بيطمني اني هرجع تاني
واحساس طمني اكتر اني الناس الي سبتهم فمصر هيفضلو فاكرني وهفضل جواهم زي ما هما جوايا


وافتكرت كلام قالتوهلي وئام مرة
ومرة متتنسيش زي كل مرة معاها
قالتلي ياياسمين مصر هيا الناس الي بنحبهم فيها وبيكملو حياتنا جواها

عندك حق يا اوما بجد مصر هيا ناسنا واهلنا
مصر هيا الهوا الجميل الي بننزل ساعت المغربية ونتونس بيه
مصر هيا شوارعنا القديمة الي خطواتنا حفظتها
مصر هيا نبض جوا قلبنا بيفكرنا ديماُ بحب جوانا وبأجمل ذكرياتنا

يجماعة انا عاوزه ااقول ليكو انكم فعلا وحشتوني انتو وبلوجي حبيبي
وكلو سنة وانتم طيبين ديما
ومحدش يفوت حقو فالعيديه ياولاد


I love you

aweeeeee