كـــــان
كان يامكان أتنين حبوا بعض زمان
واتعاهدو على الإخلاص والوفاء
وحب كبير هينور دنيتهم
ومرت الأيام واخدتهم وحابتهم
وياما قابلتهم مشاكل ووجعتهم
لكنهم قالوا إن حبهم ااقوى من الدنيا وعمرها ماهتقدر تهزمهم
ولكن مرت الأيام والحال مبقاش زي زمان
والقلبين ضعفوا من قسوه الزمن والانسان
وفي يوم انكسر الحب وراح الي كان
واتفرقوا والجرح فقلوبهم معلم
وصوره حزينه جواهم لآيامهم
وضحكت الدنيا فالاخر
اصلها انتصرت وقدرت تهزمهم
Labels:
my special words
Falling hearts Here
24 comments:
ولا يهمك يا ياسمين
بكره الزمن كفيل بالتعويض برده
نحن دائما في حالة حب ...لا تيأسي
عزيزتي
لا تجعلى قلبك اسير الالم والتفكير ..
تحياتي الخالصة
اولا اهنيكي علي اختيار موسيقي عمر خيرت رائعة
ثانيا
دع الاقدار تلعب بنا كما تشاء
ربما يلاقينا علي درب السفر شئ من هناء
وربما نظل هكذا دائما تعساء
ahmed taher
صح الزمن كفيل بالتعويض
واكيد مش هنيأس
ميرسي ليك
sendbad
عمر خيرت ده من معشوقاتي الموسيقيه
ثانيا ميرسي قوي على كلماتك الجميله دي
ومنورني بجد
مش هعرف أقول غير حمد الله علي سلامتك
وقبل متسافري هكون رديت علي التاج بتاعك ..زي هدية قبل السفر كده ..بإذن الله بس أفوق شوية لأني تعبان أوي وتعب نفسي أكتر منه جسدي ..
طمنتيني عليكي بالبوست ...
وعايز أتكلم فيه كتير .بس خايف أفتح حنفية الوجع اللي جوايا ..أخنقك وأضايقك بدل ما أقولك كلمة تشجيع أو رأي ليه قيمة ..هحاول كده
بس عموماً مش الدنيا هي اللي بتنتصر ...ضعفنا أدام شيطان اتحدي ربنا..هو ده اللي بينتصر
وصدقيني مهما فارقتي هتقدري تعيشي وزي ما انتي عايزة..بس يكون جنبك أهل و أصدقاء بمعني الكلمة ..وقتها هييجي الحب وقت ما ربك يريد ومش هتفتكري أيام زمان دي إلا كأنها كانت درس صغير في الدنيا وعدي بحلوه وبمره
حاجة أخيرة
الموسيقي خلتني أرغي ...رغم إني برغي علي طول بس بجد الموسيقي جامدة أوي
تحياتي
اول مره ابقى مش عارفه اعلق
بس هى الدنيا كده
مانرميش حملنا علي الدنيا و الأيام.. الأنسان دوره كبير اذا ماكنشي هو اساس الفراق و انتهاء اللي كان.. مش بعيد يكون احنا السبب.مش بعيد يكون عقلنا و فرض اسلوب حياتنا هو اللي بعدنا عن بعض.. انشغالنا مش الدنيا اللي عملته لينا احنا اللي عمناه. انشغالنا مش سبب يخلينا نبعد وننسي..البعد مش سبب بس البعد مننا هو السبب البعد من غير محاوله و لا سؤال سبب.. احنا سبب بس مش عايزين نعترف مش عايزين نشوف مش عازين نقدر..
ان ان
ايه البوست الشديد ده
قصير بس شديد بجد
وكفايا اصلا عمر خيرت ده كفايا تنزلي الميوزك التحفه بتاعتو في بوست وتوجعينا وجع الدنيا كلو
هييجي حبايب تانيين
اقوى وجامدين
ويقدروا على كل الوحشين
وهتقولي كنت فين وبقيت فين
ان ان شفتي الهطل ده :D
لا بجد هي الدنيا كده ياقلبي
ناس تروح وناس تيجي
واكيد الله لا يحمل نفساً الا وسعها
خلي بالك من نفسك اووي
من كتر اعجبى بالوج بتتاكى مش اقدر اوصف ليك مد جمال البلوج وكمان انتى صاحبة احساس رائع فعلا واسمحى لى ان اسجلك عندى
ضياء
ليه تخضني عليك كده بقى
الف سلامه عليك يعني انت تقولي ااقوي واجمدي وتديني كومنت كده يديني قوه وبعدين انت الي نفسيتك تتعب
لا يضياء مش انا الي هقولك بقى
خالي بالك من نفسك بقى
كتير
وبعدين انت ترغي وتفضفض زي ما انت عاوز بقى
تعرف فعلا الواحد لما هيفتكر ايام زمان هيحس انها كانت درس واتعمله عشان بعدين كده يتعلم يبقى احسن
ريمو
فعلا ياريمو الدنياكده دايما قاسيه علينا
لوكاش
طبعا الانسان ليه دور كبير قوي
وانا قلت ان القلبين ضعفو عشان كده الدنيا قدرت تتحكم فيهم
وهما ماكنوش قد الحب ده او الوعد الي وعدو بيه نفسهم فالاول
حبيبتي
اكيد انت عارفا مين يعني احسن لو مش عارفا تبقى مصيبه بقى
حلوه ان ان دي
هستلفها منك بقى
ايه الكلام الجامد ده
حبيبي انا مقدرش على وجعك بس انا بموت بعمر خيرت اعمل ايه بقى وحسيت انو الموسيقى لايقا على الموقف
ناس تروح وناس تيجي
فعلا عندك حق
بس في ناس لما بتروح صعب قوي حد يجي زيها
زيك كده
انتي عمرك ماتتعوضي اصلا
يلا بقى بحبك
:)
frEE !Sl@m oOo
انا الي متشكره قوي على زيارتك دي
ومبسوطه ان بلوجي عجبك
ومفيش مانع من تسجيلي عندك
:)
ا
وضحكت الدنيا فالاخر
اصلها انتصرت وقدرت تهزمهم
ديما الدنيا بتضحك
بتضحك علينا في الاول واحنا دايبين وبنرسم لمستقبلنا
وهيه عارفه ان مفيش مستقبل الا زي مهيه حطاه لينا
بس بتيجي الضحكه الكبيره في الاخر
لما بتلاقينا ضعفنا ومحدش فينا قادر يسدق اللي حصل
وكانه كان حلم جميل وطويل اوي
بس خلص بكابوس فلحظه
ممكن سعتها نحاول نبدا الحياه من جديد بس بردو بنبقى عارفين النهايه
عجبتني القصه دي اوي يا ياسمين
بجد يعني نفس النهايه لاي بدايه بين اي اتنين
7adr hagmad w hb2a kwys..bas kda ..to2mory ...
yla rbna m3aky fy elkam yom dol
مدونتك رائعة وأخاذة باحساسها
وبالرغم ان الحكايةاللي في البوست عادية بس كأني بقراها لأول مرة
تحياتي
بتحصل كتير .. بس خلصت حكاية تبتدي حكاية احلى صدقيني
تحياتي ليكي البوست حلو اوي قصير ومليان
:( :( :( :( :(
ربنا يعوضك الف خير
صدقيني يا ياسمين دي غلطتهم مش غلطة الدنيا. هم اللي سمحوا للدنيا تكسر حبهم. عن تجرة الحب الصادق هو اللي يصمد لاختبارات الحياة و بقولها لك و كلي ثقة لاني و الحمد لله متزوجة عن حبو لولا الحب الذي جمع بيني و بين زوجي لما كنا تحملنا مصاعب و مشاق الحياة معاً
ياسمين
بوست مؤثر وواقعي علي فكره
مش معني اننا نحب حد اننا حنقدر نفضل معاه طول عمرنا
و مش معني اننا بنكوت في حد ان الدنيا حتساعدنا عشان نكون وياه
الزمن كفيل بالنسيان
صحيح الجرح في اوله صعب
صعب اوي و بيبانلنا انه مؤلم اوي لكن بمرور الأيام بنحس اننا واحده واحده الالم بيقل و الجرح اللي زمان كان بيوجعنا وجه قل ممكن ماختفاش بس مابقاش بيوجعنا زي زمان
عشان كده لازم قلوبنا تبقي مفتوحه و في حاله حب دائم حب لكل الناس علي اد ماقلوبنا تقدر
تحياتي ليكي و لبوستك المعبر و بتمني ليكي حب كبر يدوم و يملأ حياتك بهجه
كتير أوي كده
tamer afify
ميرسي على مرورك عندي ويارب مش تكون اخر مره
وميرسي على احساسك الحلو بمدونتي
لمياء
ميرسي ليكي انتي يأمره على وجودك عندي وكومنتك الحلو
رينا
منوراني ويارب دايما
ميرسي ليكي
Dream
سعيده قوي بوجودك الجميل عندي
فعلا هما الي سابو الدنيا تكسرهم وتبعدهم الناس بقت تبعد عن بعضيها وتتحجج بالظروف لكن للاسف لو بصيتي بالسبب فعلا هتلاقيه احنا مش الظروف
منوراني بجد
اجندا حمرا
كومنت يستاهل اعجاب كبير
بجد ميرسي ليك قوي
وعلى مرورك الجميل عندي
ياربتنورني دايما
Post a Comment