انا وشــــــادي

يدخل غرفتي بأبتسامته المرحه محاولا معرفه ماذا افعل
يضحك في طفوله مازالت تمتلكه رغم بلوغه الخمس عشرعاما وبحركه هزليه
(يتجه الي ضاحكاً (بتعملي ايه ياسميره
لا اعرف لماذا يلقبني بهذا الاسم والذي لايمت لاسمي الحقيقي بأي صله
يود اغاظتي .....اعلم هذا
ولكن هيهات ان اغتاظ منه فلقد عشقت هذا الاسم الذي اصبح ينطلق من بين شفتيه في تلقائيه مرحه
سميره سميره...اهو بردو تغيير

(يجلس بجانبي يطالعني اسطر بعض الكلمات فيتأملني في صمت ثم ينطق في حماسه (انتي مبدعه ياكلماتك ياسميره)
(اضحك في زهو وفخر بحالي (امال انتي فاكر ايه يبني
يبدأ بالكلام والضحك فأفقد تركيزي بالكتابه فأعنفه بقوه
ولا تمر الثواني حتى اراه يغادر الحجره في صمت.......
انظر حولي فلا اجده بجانبي اشعر بقشعريره بارده تحتل اجزائي فاعنف نفسي
اتوجه للخارج فاجده يجلس باعدا نظراته عني....... اجلس بجانبه احاول ان اضاحكه
(تعال ااقعد معايا بس مش تتكلم عشان اعرف اكتب)
يضحك مرحاً ويركض ليحتل مكاني على جهاز الكومبيوتر ثم ينظر
(الي في جد هزلي (اخرجي بره اوضتي ياسميره عاوز اكتب)
(انفجر ضاحكة لتعبير وجهه الغير عادي واخرج لافعل شيئا خر متمته (اعشقك يأخي الصغير

تمضي الايام في سرعه لا تقاس لتعلن عن اقتراب موعد اغترابي ومع كل يوم ارى لمحه
حزن بدات تحتل عينيك فأبكي بداخي اعذرني ياشقيقي فما باليد حيله
((لو كان عليا كنت سبت الدنيا بحالها ولا اشوف فعنيك النظره ديا))

تمر الايام نحاول ان نسرق منها لحظات للذكرى ..او ايام لا تنسى
(فهذا عشاء نحضره في مرح سويا ولكنك تصمت للحظات تخبرني (دي اخر مره هنعمل العشا مع بعض
ابتسم ابتسامه خافته لاحاول ان اخفف عنه
نجلس سويا جلساتنا المعتاده امام التلفاز ... نحاول الضحك كألايام الخوالي
ولكن شبح الفراق لايفارقنا فيبعث جوا من الحزن والالم

فجاه تاتي للحظه الحاسمه ودون اي انذار احاول ان اتدارى عنك كي لا ارى نظره عينيك
تقف بعيدا تودعني في صمت تنظر الي وكانك تحفر ملامحي
ابستم لوجهك...ارى ابتسامه ترتسم على شفتيك لتحاول ان تخفي دموع تنهمر في صمت

امضي وضحكاتك اخر ماتراه عيني .....اجلس في طائرتي...انظر من النافذه فيأتيني وجهك وضحكات عينيك الباكيه
فابتسم ثم ابكي في صمت

تمر الايام فاجلس في هذا المكان البعيد عنك بألاف الاميال ...وحدي انظر لباب غرفتي ...
.لعلك تدخل ...لعلك تأتي...ولا يهم ان تتحدث ماشئت فلن انفعل او اعنفك بل سأترك اي شيء لاستمع لضحكاتك

ولكن تضي الايام ولا ارى سوى سرابك ولا اسمع سوى تردد ضحكاتك والتي هي ليست سوى صمت...

اهداء الى اخي الحبيب
شادي


انا وشادي غنينا سوا لعبنا على التلج ركضنا بالهوا كتبنا علىا الاحجار قصص الصغار ولوحنا الهوا

just wanna say ...missed you

ياملك
عبر القارات عبر المسافات تخطيا للآميال والآنهار وتحدياُ لللآقدار ابعث ناراُ ...بل بركاناُ من الاشواق
ابعث كلاما قد لايغني عن عيون اشتاق لها الان
ولكنه قد يكون اهون من الصمت والنسيان
بجد الكلام طالع من قلبي قوي
وبجد بجد وحشتوني قوي
مكنتش اعرف اني بحب البلوج ده كده غير لما بعدت بالمنظر ده كنت حاسا انه في حاجه ناقصه بحياتي
لآ في حاجه غلط
كنت هتجنن لحد ما شغلت النت هنا
من ساعت ماسافرت ونا فحاله تناحه غير طبيعيه ساكته خالص انا ذات نفسي مستغربه نفسي
لكن حاسا قوي اني مش انا بجد مش انا ازاي هكون انا وانا نصي كله بمصر لآ ده مش نصي بس ده انا كلي هناك
ازاي بقى هبقى انا وانا من غير اناااااااااا
.................................
مع اني كنت هتجنن قوي وافتح البلوج لكن الفتره الي فات بردو اصابتني حاله كده مش عارفا اكتب فيها ولا كلمه
وانا الي قلت اني اول لما اوصل هقول كلام كتير وحجات كتير
لكن معرفش ليه اول مره احس ان الالهام ضايع مني والقلم بيقف على اول سطر وكأنو نسي ازاي يخطط على الورق
بجد مش عارفا ليه؟
اكتر شيء كان هاممني اني اطمن الناس عليا
انا كويسه وانتو وحشتوني بجد كتير
ياقلبي يانسمه حياتي كلها... وحشتيني ,,,,, اول حاجه عملتها لما وصلت على الصبح كده فتحت الورقه الي كنت هتجنن وااقراها بس
عشان وعدتك مش ااقراها غير لما اوصل واخيرا قرتها
عارفا انك قلقانه عليا بس بجد مش تخافي انا كويسه
ولينا قاعده مع بعض كبيره بس مش هنا بقى
نوني...يارب تدخلي وتقري كلامي ده حشتيني قوي بجد وكل لما انزل من العماره والاقي شقق غريبه
كده مش بيتك الي تحتي احس اني موجوعه قوي ...ياترى انتي عامله ايه.... ونبي يانوني خليكي كويسه

شادي,,,, عارف اكتر حاجه مخلياني مرتاحه شويه هوا اني اخر حاجه شفتها كانت وشك
وانت بتبصلي وبتضحك ....مع اني عارفا اني الضحكه دي كانت وراها دموع مستخبيه
لكن معرفش ليه بحس اني مرتاحه لما افتكر وشك الجميل وانت بتتضحك
مهما وصفت قد ايه انت واحشني عمرو مايكفي بجد عمرو مايكفي .....اكيد انت عارف

****************

معرفش ليه وحشني قوي اني امشي بشوارعك شارع شارع يأسماعليه........ كنت دايما وانا عايشه فيكي ااقول امتى بقى يجي اليوم واخرج منك وكنت مأصدق يجي الصيف عشان اروح ااقعد بالقاهره
بس معرفش ليه الوقتي بفتكر شوارعك وكأني عاوزه احفرها جوايا
كل مكان فيكي ليكي ذكرى معايا
ويمكن لآن اول حب ليا كان جواكي ....... واحلى ايامي معاه كانت فيكي
هتفضلي دايما ماضي ليا
هتفضل ذكرياتي فيكي هيا ماضي.... مش عارفا اذا كنت فيوم هقدر انساه ولا هيفضل يطاردني دايما كل لما اجيلك بعد كده؟؟
بس برغم كل ده عاوزه ااقولك اني رغم اني مكنتش بحبك ...... بس بحبك

*******

احساس رهيب قوي حسيته والطياره بتمشي

بعد اسبوعين من التماسك

عد محاوله الضحك وعدم التفكير

لآسف كل ده طلع عليا اول مالطياره ابتدت تتحرك

انهيار فظيع من العياط

كل ايامي كل الناس كل حاجه كانت زي الشريط الي بيدور قدامي

معرفش ليه حسيت انو لو كانت الطياره وقفت ثواني

كان ممكن اجري على الباب وااقلوهم نزلوني

رجعت فكلامي

:(
**********

تعليق صغير

ياجماعه البوست الملخبط ده ماهو الا بدايه للعوده

حبيت بس ااقلوكم اني رجعت تاني

ولو اني تفصلني عنكم الاميال بل القارات

بس مازالت موجوده