Sunday, February 25, 2007

انااااااااااااااااا


من فتره كده نور صاحبتي الي هيا نهير كانت بعتتلي تاج عباره عن خمس حجات عني انا فضلت افكر اقول ايه بالظبط وابعت ولما مش ابعت وبعدين هتكلم عن نفسي ااقول ايه يعني
المهم اخيرا قررت اكتب
ومعلش بقى يانونو على التأخير

( 1)


كان نفسي فأمنيتين اعملهم فحياتي بس متحققوش
اول واحده بس من غير ضحك بقى كان نفسي اطلع ممثله انا مثلت فالمدرسه ايام الثانوي مسرحيات وكنت باخد ادوار بطوله ومره عملت سندريلا بس بالفرنش ولما دخلت الجامعه بردو اشتركت فمسرحيه
كان نفسي اوي اكمل فالموضوع ده وكنت حاباه كمان بس للآسف ساعات الحياه بتخلينا نتخلى عن حجات غصب عننا
تاني امنيه بقى كان نفسي ادخل كليه هندسه لدرجه اني فكرت وانا فالجامعه اني ارجع اعمل ثانوي عام تاني بس حسيت انها مخاطره شويه خصوصا وانا مش بتاعت مذاكره خالص
انا عارفه انهم امنيتن متناقضين شويه بس لو كانت واحده فيهم اتحققت كنت هكون سعيده
في امنيه تلته دي حاسا بقى اني هحققها وهيا اني اركب خيل

(2)


مسرفه شويه ..........لابصراحه قوي : بجد بجد بحاول ابطل العاده دي وكل شهر ااقول المره دي المصروف هيكمل معايا لآخر الشهر لكن تقول لمين ميعديش اسبوع ولا اتنين وافضل اسلتف من ماما
المشكله اني بجد معرفش انا بصرف الفلوس فأيه وابص الاقيها خلصت مني
ساعات بلاقي نفسي شاريه حجات بردو ومش بستعملها وساعات الاقي حجات فدرج المكتب والدولاب بقالها اسبوع شارياها ونسياها اصلا
لما باجي اخرج كل مره يتكرر نفس الموقف اخد الفلوس ااقول لآ انا مش هاخد الفلوس كلها هاخد على الاقد بس واول لما اخرج من باب الاوضه الاقيني تلقائيا رجعت تاني واخدت فلوس زياده
وااقول لنفسي يمكن يحصل حاجه
ومش بيحصل حاجه غير اني بفرتكهم

( 3)


بتفائل اوي فاليوم الي اصحا فيه الصبح واول حاجه اسمعها لما افتح عيوني تكون صوت العصافير بلاقيني ابتسمت كده واحس جوايا انه في حاجه حلوه فاليوم ده هتحصل


(4)


بيجيلي اوقات بحب قوي اتمشى لوحدي والاقيني انزل وافضل امشي فالشارع ومش عارفه انا رايحه فين بالظبط ساعات الاقيني عيوني دمعت غصب عني
افضل افكر فحجات كتيره فحياتي وساعات مش بفكر الاقيني ماشيه كده وخلاص ببص بس على الناس والاماكن


(5)


ساعات بحس اني انسانه بطبعي حزينه شويه معرفش ليه وممكن لو بسمع لحن حزين شويه خصوصا من عمر خيرت الاقيني سرحت معاه و عيطتت بردو مش عارفه ليه يمكن لآنه حصلت حجات فحياتي مأثره عليا بطريقه انا مش شايفاها مع اني بضحك وكتير لكن ساعات كتيره بكون بضحك ومن جوايا وجع كبير ويمكن كمان ساعات بحس اني بضحك قوي عشان اعمل نفسي مش واخده بالي
لكن الاوقات الي بضحك فيها فعلا بصدق من جوايا بتكون قليله قوي

Thursday, February 15, 2007

انا والفلانيتن










مش عارفه ليه حبيت اكتب عن اليوم ده النهارده بالذات
يمكن فبقيت السنين الي فاتت فيومياتي عمري ماتكلمت عنه ولا ذكرت فيه اي شيء
لكن النهارده كان غير كل السنين الي فاتت
لما كان يوم الفالنيتن ده دايما يقرب معرفش ليه كانت دايما بتجيلي حاله كئابه غريبه كنت بفضل اتفرج على الاعلانات فالتليفزيون والاغاني وموسيقه لاف ستوري الي هيا من مجموعتي الموسيقيه لمفضله
واحس بحاله غريبه جوايا حاله عدم سرور كده حاله بحس اني عاوزه اعيط جامد قوي
بردو بجد مكنتش اعرف ليه يمكن لآني بكون حاسه اني لوحدي واني
نفسي اوي اليوم ده ااقضيه مع حد بحبه ويكون يوم جميل
لكن للآسف اليوم كان بيعدي وانا لوحدي
ونفضل انا وصحابي نبص لبعض وكأن كل واحده فينا بتواسي التانيه
والغريبه ان كنا بنروح من الجامعه ومنفكرش نخرج بليل وبيكون الفالنيتن يوم زي اي يوم واهو بيعدي
وكل سنه بيجي فيها بيعدي عليا وانا مازلت مش حاسا بيه
لكن السنه دي يمكن كانت اول مره احس فعلا بيه
اول مره فعلا ااقول فيها انا قضيت الفالنتين

من يومين انا وبنت خالي وبصراحه انا دايما مش بحس انها بنت خالي بس بحس انها اختي او الانتيم بتاعي
المهم كنا خارجين وطبعا زي العاده بنتمشى واحنا مأنكجين وبنتفرج على البلد والناس والمحلات
كانت البلد عباره وقتها عن بقعه حمراء اللون من كتر الدباديب الحمرا الماليا المحلات وبصراحه دباديب عاوزه تتخطف خطف والواحد كان هاين عليه يلمهم كلهم وياخدهم معاه وهوا خارج من المحل
المهم اثناء تمشيتنا قلتها ايه رأيك نحتفل بيه انا وانتي مع بعض
هوا يعني لازم يكون للكبلز بس ما انا وانتي كمان صحاب اهوا وبنحب بعض بتهيألي الاستاذ فالنيتن ده محددش ايه نوع الحب اهو حب وخلاص
وواحده واحده عجبتنا الفكره اوي وخططنا نخرج اليوم ده فعلا ونخليه يوم مش عادي
ومعرفش ليه لقيتني لآول مره فرحانه اوي بالفالنتين ده
ولقيتني بقول لنفسي الي بين الصحاب احيانا بيكون اقوى واعمق من قصه حب
حسيت اني فعلا لازم احاول ابسط نفسي اليوم ده
والي حصل انه فعلا حصلت حجات كتير خلتني احس لآول مره بفالنيتن
لما لقيت صحابي بيبعتولي رسايل حتى الصحاب البعيد منهم حسيت اني فرحت لما كلموني
كمان مش هنساكي ياوؤومتي والله بجد كان نفسي نكون مع بعض فعلا بس بجد حاسا فعلا انه هيجي
بليل خرجت انا ونوني بنت خالي طبعا حاولت اجمع صحابي لكن كان صعب شويه عليهم انهم ينزلو لكن وعدنا بعض اننا هنتجمع فيوم تاني


اليوم مع نوني كان لذيذ بجد وانا فضلت ماشيه فالشارع عاوزه اصور الكابلز الي ماسكين هدايا وماشين
ولقيت نفسي حابا اوي اراقب الناس بصراحه هيا غلاسه انا عارفه لكن بجد الناس اليوم ده كان وشهم فيه تعبيرات جامده اوي كان فيه
واحده جايبا هديه وقاعده مستنيه وشكله يعيني قالبها لآن وشها كان مدايق
وواحده تانيه وتعبيرات وشها وحبيبها جاي عليها
والناس ال قاعدين جانبنا فالكافتريا
وانا احاول اطلع فالموبايل واصور
ونبص على الهدايا الي رايحه وجايه قدامنا والدباديب الي تجنن
وشويه بصينا لقينا ناس صحابنا قدام شويه كانو خارجين ولقونا راحوا جايين وقاعدين معانا
الى ان اشارت ساعتي للآسف للآنتهاء وقتي
مممممممممممممممممممممم
ورجعت البيت
وحسيت اني راضيه باليوم ده اوي ومبسوطه
يمكن كانت حصلت حاجه فبدايه اليوم ده مازلت لحد الان بحاول اني اتجنب التفكير فيها لآني لو بدات افكر فعلا نفسيتي هتتعب جداااا ورغم انها بتيجي على بالي احيانا وانا بحاول اعمل عبيطه ومش واخده بالي
وبحاول
اخبي جوايا
واضحك

دخلت على اخويا شادي وفضلت انكش فيه شويه وهوا بيذاكر وشريف الصغير كان زعلان مني عشان مش وديته النادي النهارده فكان بينام لقيتني بصحي فيه واصالحه لاني عارفه انه نايم وهوا زعلان ووعدته اني هوديه خلاص ونام شريف وهوا مبسوط
وانا مبسوطه واحساس جوايا فرحان لقيني صالحت شريف
اصل شريف ده مع انو مجنني ومجريني وراه ومدوخني كده بشقاوته الا اني لما بحس انه زعلان مني بحس انه نفسي اعمل اي حاجه ولا اشوف النظره دي فعنيه
بعد كده دخلت الاوضه بتاعتي وبدأت بكتابه البوست ده
واخيرا وليس اخراااا ومع نهايه كلامي لقيتني بكتب الملحوظه دي

يمكن الي خلاني اكتب البوست ده سبب فعلا حسيته اوي
هوا اكيد اول مره احتفل بالفالنيتن


لكن السبب الاهم لده كله
هوا اني حسيت اوي بقيمه الصداقه فاليوم ده حسيت اد ايه صحابي دول ميتعوضوش
بجد بحبكو اوي ياصحابي

Friday, February 02, 2007

غدا القاكي


غدا القاكي

اسمعها منك فتبتسم روحي وتتراقص دقات قلبي فرحا

واغلق هاتفي لآدور مع نفسي كعصفور يحلق فالسماء

وانام ليلي كأميره ستتوج فالصباح

ويأتي غدا وهوا موعد اللقاءولكن تأخذك الدنيا ويمر اليوم دون ان اراك

فأعود حزينه وقد ماتت سعادتي فأنظر للدقاءق لاجدها ساعات

وليله بعد ليله تغرق الدموع عيني وترفض ان تنام

فقد سئمت من زحمه الدنياوالمسافات

فأراك لساعات وانتظرك لآيام

وقلبي لم يعد حمل الانتظارواحزن لآيام قد ضاعت دون رؤياك

ويحزن قلبي ويغضب وقد قرر ان يبعد عنك وينساك

فأجدك تهاتفني والشوق في كلماتك لتخبرني مبتسما غدا القاكي

فيبتسم قلبي طربا من كلاماتك

وقد نسى ان ينساك